Wy binne tige profesjoneel en effektyf holpen by In-Menz. Se leverje soarch op maat. Wy kamen mei ús dochter, dy’t wat stipe nedich hie fanwegen pesten op skoalle. Der is mei ús meitocht oer wat nedich wie – ek wy as âlden krigen stipe en begelieding. Wy binne no in jier dwaande by In-Menz en hawwe hiel wichtige stappen set. Ik ha folslein fertrouwen yn In-Menz en kin mei wissichheid sizze datst hjir terjochte kinst mei dyn soargen, problemen en útdagings. Ik bin tige tankber!
Jongerein fan 0 oant 18 jier kin by ús komme foar in behanneltrajekt. Wy helpe jongeren ûnder oare by it fersterkjen fan har selsbyld, emoasjeregulaasje, konsintraasjeproblemen en it ferwurkjen fan trauma’s.
Jeugdbehanneling gedrachs- en lichemsrjochte
Yn it trajekt wurkje wy safolle mooglik gear mei de âlden, skoalle en oare minsken út it netwurk. Wy hawwe jeugdterapeuten dy’t meastentiids mei de jongeren nei bûten gean. Hjirby stean ûnderfinend learen en yn beweging wêzen sintraal.
Net goed of lekker yn it liif sitte hat in bewiisd negatyf effekt op dyn stressnivo en mentale striidberheid. It soarget foar spanning of kin stress of oare sûnensproblemen feroarsaakje, lykas pinebúk en pineholle. In protte bern en jongerein dy’t doggers binne, sille baat hawwe by in lichemsrjochte oanpak mei help fan it unike programma. Want net elkenien is holpen mei praten en foarskreaune pillen, mar benammen mei dwaan. Wy begjinne yndividueel, mar gean ek oan de slach mei it bern én de âlden.
Psychomotoryske terapy (PMT)
By psychomotoryske terapy steane lichemsbelibbing en bewegingsgedrach sintraal. Troch sport en spul of lichemsoriïntearre oefeningen komt de kliïnt letterlik yn beweging of of stiet krekt stil by syn of har ûnderfinings. Sa leart de kliïnt lichemssinjalen, gefoelens en gedrachspatroanen te werkennen, ûnder wurden te bringen en te begripen. Dêrnei wurdt der oefene om ta nije ûnderfinings, ynsichten en gedrach te kommen.
Spulterapy
Spulterapy is in foarm fan psychoterapy foar bern wêrby’t de terapeut spultjes brûkt as middel om in bern te begripen en te helpen him of har fierder te ûntwikkeljen. It is foar bern faak noch te lestich of te bedriigjend om te praten oer wat har dwerssit. Boartsjen is foar bern in natuerlike en feilige manier om de wrâld te ûntdekken, gefoelens te uterjen en te ferwurkjen. It spul is de taal fan it bern. Terapeutysk spul jout ynsjoch yn gedachten en gefoelens, wêrtroch’t it bern emosjoneel en kognityf nije ynsichten krije kin en psychysk wer groeie kin en yn eigen krêft stean kin.
WRITEjunior
WRITEjunior is in skriuwterapy mei in kognityf-gedrachsmjittige oanpak foar traumatisearre jongerein fan 4 oant 18 jier. Doel fan de yntervinsje is dat posttraumatyske stressklachten sterk ferminderje of ferdwine.
De behanneling bestiet út it rekonstruearjen fan it trauma troch it skriuwen fan in ferhaal dêr’t gedachtes en gefoelens yn beskreaun wurde en tinzen werstrukturearre wurde. Ek komme der strategyen oan bod om yn de takomst mei problemen om te gean. Uteinlik wurdt it ferhaal dield mei belangrike persoanen.
Byldzjende terapy
Byldzjende terapy is in behannelmetoade foar bern mei psychososjale problemen en/of psychiatryske steuringen. Binnen byldzjende terapy wurde de folgjende materialen ynset: tekenjen, skilderjen, houtbewurking, klaai en stien. Byldzjende terapy is in ûnderfiningsrjochte terapy wêrby’t in konkreet wurkproses it einresultaat is. Problemen wurde fisualisearre troch byldzjend te wurkjen, wêrnei’t it probleem konkreet en besprekber wurdt.
Dappere Dino’s
Dappere Dino’s is in evidence-based groepstraining foar bern yn groepen 3 en 4 (6-8 jier) fan it basisûnderwiis fan wa’t de âlden skieden binne.
De training is bedoeld om bern better omgean te litten mei de feroarings tidens en nei de skieding. It programma is net bedoeld foar bern mei slimme gedrachs- en/of emosjonele problemen, om’t dy mear baat hawwe kinne by in yndividuele training.
De twa belangrykste doelstellingen fan Dappere Dino’s binne:
- It ûnderfinen fan stipe fan leeftydsgenoatsjes dy’t itselde meimeitsje om sa de spanning fan de skieding te ferminderjen.
- It learen fan feardichheden yn it oplossen fan problemen, sadat bern better omgean kinne mei gefoelens nei de skieding.
Skematerapeutysk wurkjen
Skematerapeutysk wurkjen is in wittenskiplik bewiisde effektive foarm fan psychoterapy foar minsken mei persoanlikheidsproblemen of oare langduorjende klachten, lykas in weromheljene depresje. Skematerapeutysk wurkjen helpt dy de oarsprong fan stiiffêste patroanen te begripen en te feroarjen. By de behanneling wurdt de ynfloed ûndersocht op dyn tinken en dwaan fan ûnderfiningen út dyn jeugd. Do learst dyn patroanen te herkennen en sa te feroarjen datst oars begjinst te tinken, dy better fielst en oars dochst. Do learst te fielen wat dyn behoeften binne en hoe’tst dêr op in sûnere wize mei omgean kinst. Dêrtroch kinst better rjochting jaan oan dyn libben en dyn relaasjes mei oaren ferbetterje.
Aggression Replacement Training
Agression Replacement Training (ART) is in yntervinsje rjochte op it multymodale kognityf-gedrachsterapeutysk wurkjen. Dit leart jongerein yn situaasjes dêr’t se lilk yn wurde op in oare wize te reagearjen as mei agressyf gedrach.
EMDR by inkeldfâldich trauma
Soms kin in yngripend barren liede ta langduorjende stressklachten of sels in trauma. EMDR is in foarm fan traumabehanneling.
Psycho-edukaasje
By psycho-educaasje krijst fan de behanneler foarljochting en advys oer de helpfraach.
Diagnostyk
- Klassifisearre diagnostyk
- Hannelingsrjochte diagnostyk jout antwurd op diagnostyske fragen lykas: wat giet goed en wat kin better (oersjoch), hoe kinne wy dizze situaasje begripe (ynsjoch) en hokker oanpak hat de grutste kâns fan slagjen? Binnen In-Menz wurkje wy mei:
WISC, SEV, GVL, FEEL-KJ, VPV, VFO en EFV.
Oanbod systeemrjochte
By In-Menz wurkje wy systeemrjochte. Wy belûke âlders by elk trajekt, om’t wy deryn leauwe dat jongeren en âlders inoar nedich hawwe om te groeien. Wat wy biede:
Opfiedingsûndersteuning
Hjirby wurdt benammen stilstien by praktyske situaasjes dy’t âlden mei it bern tsjinkomme. Yn gearwurking mei de âlden wurdt in oanpak betocht dy’t thús tapast wurde kin. Dizze oanpak wurdt evaluearre en bysteld oant âlden sizze dat se tefreden binne en oant de resultaten berikt binne.
Triple P
Triple P is in metoade dêr’t âlden in positive opfiedstyl by oanleare. Dêrmei nimme gedrachsproblemen by bern ôf. Triple P bestiet út ferskate ûnderdielen, fan in publykskampanje, koarte petearen oer deistige opfiedfragen oant yntinsive begelieding.
IAG
Yntinsive Ambulante Gesinshelp rjochtet him op famyljes mei bern fan alle leeftiden dy’t meardere en kompleks problemen hawwe en faak dreech tagonklik binne foar helpferlieners. It haaddoel fan gesinshanneling is dat de bern thús yn it gesin wenjen bliuwe kinne of wer thús wenje kinne. Dit wurdt berikt troch de gedrachsproblemen fan bern te ferminderjen, de opfiedfeardichheden fan de âlden te fergrutsjen en it sosjaal netwurk mear by it gesin te belûken. De behanneling duorret gemiddeld fiif moannen, wêrby’t de helpferliener twa kear yn ‘e wike by it it gesin thús komt.
Family-WiFi
Family-WiFi is in gesinsyntervinsje dy’t plakfynt yn de thússituaasje. Dit mei help fan WiFi: waarnimme, ynspirearje, fundearje, yntegrearje. Oftewol, observearjen en it bouwen oan fertrouwen, ynspirearje troch foar te dwaan, fundearjen is it tegearre bouwen fan in basis, en yntegrearjen is it dysels eigen meitsjen of it sels dwaan.
Earst ferbine, dan kinst dy rjochtsje op it gedrach.
In gesinsterapeut en in jeugdterapeut wurde yn in thússituaasje pleatst foar in perioade fan fjouwer oant seis moannen. Wy begjinne hiel yntinsyf om fuortdaliks ta de kearn te kommen. De gesinsterapeut en de jeugdterapeut binne meardere kearen yn ’e wike oanwêzich yn de gesinssituaasje.
Wy wurkje oan it herstellen fan de ferbining (hechting). Ast net de âlder bist dy’tst wêze wolst, stribje wy dernei om dit wer yn balâns te bringen. Om in âlder yn syn krêft te setten, ûndersykje wy hokker hechting de âlder sels hie, hokker ferbining ûntbrekt of net goed ta stân kommen is en hoe’t dit hersteld wurde kin. Troch hjirmei mei de âlden oan ’e slach te gean, kinne sy har bêste sels wêze as opfieder. Sa kinne se bygelyks better omgean mei tsjinslaggen, mear grip krije op de opfieding fan harren bern en mear selsfertrouwen ûntwikkelje. It gedrach dat it bern dêrnei sjen lit, sil ek oars wêze; it bern is bygelyks sosjaal feardiger, kin mei wurden oanjaan wat hy of sy wol en hat dêrneist mear fertrouwen yn syn/har âlden en him/harsels. Troch sawol de âlden as it bern sintraal te stellen en dêrby ‘outside the box’ te hanneljen en kreatyf te wêzen, kinne wy ynsette op it thús opgroeie litten fan it bern. Soms sitte âlden ek fongen yn in situaasje dy’t sy net foar harsels winske hiene, dan is it tiid om dit te trochbrekken en fanút rêst wer te groeien.
Boksend opfiede
Boksen is mear as allinnich sport. Boksen kin as gjin oare sport in bydrage leverje oan de maatskippij. Yn de eigenheid fan de bokssport sitte wearden feranekere dy’t bydrage kinne oan de persoanlike ûntwikkeling fan bern, jongerein en folwoeksenen. It beoefenjen fan boksen stimulearret de ûntwikkeling fan selsfertrouwen, trochsettingsfermogen, striidberheid en respekt oer en wer.
Oplossingsrjochte wurkjen
Oplossingsrjochte terapy is in foarm fan helpferliening dy’t rjochte is op it brûken fan de sterke kanten en helpboarnen fan de kliïnt. Tegearre mei de helpferliener ûndersiket de kliïnt hokker feardichheden hy al hat om syn problemen oan te pakken.
Systeemterapy
Systeemterapy is in behanneling dêr’t elkenien om dy hinne ek by belutsenis. By de behanneling leit de fokus op it hiele systeem/gesin. It doel fan systeemterapy is it feroarjen fan it ynterpersoanlike gedrach, bygelyks it ferminderjen fan ûnderlinge rúzjes. Dêrneist kin it helpe om oars oer elkoar te tinken. Learst bygelyks om minder negatyf oer de oar te tinken. By systeemterapy leit de fokus op de omgang mei elkoar.
Video-hometraining
VHT is foar gesinnen dy’t problemen ûnderine yn de opfieding. It doel is de ynteraksje tusken âlden en bern te ferbetterjen, sadat sosjaal-emotionele ûntwikkelingsproblemen by bern (fan 4 oant 12 jier) foarkommen of fermindere wurde. Der binne alve of tolve kontaktmominten, dêrûnder fiif thús makke fideo-opnames fan de ynteraksje tusken âlder(s) en bern dy’t mei de âlden besprutsen wurde.
MDFT
MDFT is in bewiisd effektive famyljeterapy mei outreach-komponinten. Rjochte op jongerei tusken 10 en 18 jier, mar ek op de âlder(s) en omjouwing fan de jongere, lykas skoalle, wurk of freonen. De ferskillende (mearfâldige) problemen wurde gau sichtber en kinne tagelyk oanpakt wurde. MDFT helpt jongerein (10-18 jier) mei ferslavings- en gedrachsproblemen troch alle ynfloeden yn harren libben oan te pakken: fan skoalle en freonen oant gesin en maatskippij.
Doelen:
- Minder middelegebrûk en probleemgedrach
- Bettere skoalprestaasjes en gesinskommunikaasje
- Sûne frijetiidsbesteging
Hoe wurket it?
- 6 moanne yntinsive behanneling
- Gearwurking mei jongeren, âlder(s) en eksterne partijen
- Begelieding troch betûfte terapeuten
Komplekse skiedingen (PSO)
Binnen parallel-solo âlderskip (PSO) wurdt yndividueel wurke mei ien âlder, parallel oan de oare âlder, mei fokus op wat it bern nedich hat en op de âlder-bern relaasje. De ferskillende pylders dêr’t de metoade op boud is, hawwe as doel: it fersterkjen fan de âlder yn syn eigen âlderskip sadat de âlder him net langer, oerspield troch emoasjes, yn it konflikt meislepe lit.
Ut de PSO-behanneling wei sil de helpferliener de âlder oansprekke op syn eigen ferantwurdlikheid en de âlder stimulearje om de patroanen dy’t har ûntwikkele hawwe te ûndersykjen en te trochbrekken. PSO is derop rjochte de fokus te ferskowen, fuort fan de oare âlder en de âlderrelaasje nei it eigen âlderskip en de relaasje mei it bern. Mei oare wurden: PSO rjochtet him op de âlder-bern relaasje mei it bern. Mei oare wurden: PSO rjochtet him op de âlder-bernrelaasje wêrby’t omtinken is foar it ferstevigjen fan de stabile basis fan âlders, sadat de âlder it ferlet fan it bern ek echt wer sintraal stelle kin. Om starte te kinnen mei in PSO-trajekt is in jildich âlderskipsplan fereaske.
Gesinsterapy byldzjend
Dizze terapy rjochtet him op gedrachsferoaring fan de gesinsleden yn it hjir en no. De metoade is basearre op de folgjende grûnbegjinsels: gesinsterapy byldzjend foarmjen, gesinsterapy, âlderbegelieding en learteoryen oangeande kommunikaasje en emansipaasje. As âlders yn harren âldertaken ûndersteund wurde, kin it gesin yn beweging komme op in manier dy’t fan it begjin ôf troch de âlders sels droegen wurdt.
Wachttiden
Us behanneloanbod
Binnen In-Menz wurdt der ûnder oare wurke mei metoades en yntervinsjes dy’t neffens Nederlands Jeugdinstituut (NJi) effektyf binne.
Meiwurkers fan In-Menz binne oplaat yn ûndersteande metoades en yntervinsjes en folgje ynterfyzje en training om kennis te behâlden.
Metoaden en yntervinsjes dy’t binnen In-Menz brûkt wurde:
Net NJI
Tariven en fergoedings
HAADOANNIMMER SPESIALISTYSKE JEUGDHELP
Wy fan In-Menz hawwe in oanbesteging by it Sosjaal Domein Fryslân (SDF) foar spesjalistyske jeugdhelp, koartduorjende ûndersteuning en duorsume (langduorjende) ûndersteuning. Om rjocht te hawwen op dizze fergoede soarch, kinne jo gebrûk meitsje fan in ferwiisbrief fan de húsdokter, berne-arts of jeugdarts, of fia in beskikking fan it gebietsteam. Foar mear ynformaasje kinne jo altyd ús altyd belje.
Reviews
Marijke hat myn beide bern mei NLP behannele nei’t se in traumatyske ûnderfining meimakke hiene. Dêrby hie myn dochter ek lêst fan in slimme foarm fan Tourette. Troch it trauma wie myn soan tige lilk. Dat utere him yn agressyf gedrach. Nei ien behanneling wie er al in stik rêstiger en minder agressyf. Myn dochter giet alle wiken nei Marijke ta en fynt dat tige stypjend.
Ik wit net wat wy dien hiene sûnder In-Menz. Harmke en har kollega’s hawwe ús en de bern mei-inoar sa goed holpen om troch in drege perioade te kommen en dy efter ús te litten. It giet no op alle fronten safolle better!
Myn bern hawwe kreative terapy hân. Tige effektyf as dyn bern fêstsit yn syn emoasjes en it dreech fynt om him ferbaal út te drukken. Op in boartlike manier krige Marijke in protte los by myn bern en koene se de ûnderfiningen op in ûntspande manier ferwurkje. Marijke fyn ik tige belutsen by de bern en se fielt har goed oan. Sels bin ik tige tefreden oer har fyzje en oanpak.
Mirjam de Vries
Myn ûnderfining by In-Menz wie tige posityf. Ik soe dizze ynstelling fan herten oanriede oan elkenien dy’t op syk is nei in profesjonele en goede therapeut. Wat benammen moai is, is dat ik altyd goed holpen wurd mei alles wat ik nedich ha.
Ik bin by In-Menz kommen nei in traumatyske ûnderfining, wêrtroch’t ik tige bang wie om dingen allinne te dwaan. By it yntakepetear wie elkenien hiel freonlik, se harken goed en tochten mei. Ik krige in fijne terapeut dêr’t ik in goede klik mei hie. It team fan In-Menz hat my hiel goed holpen en ik wie al binnen in lyts jier klear mei de terapy. Nei de terapy fernim ik dat ik net mear bang bin om dingen te dwaan en dat ik my in stik better fiel. Ik bin In-Menz tige tankber foar hoe goed as se my holpen hawwe en dat se altyd foar my klear stiene!
Lisette is immen dy’t my echt sjoen en heard hat yn wa’t ik bin. Se koe my goede rie jaan. Wy koene ek wol laitsje en luchtige petearen hawwe. Lisette koe hiel dúdlik wêze en as it nedich wie, pakte se ek echt troch – bygelyks mei in opdracht. Se koe har goed ynlibje yn wat ik meimakke hie en wat ik op dat stuit meimakke. Ik fûn it altyd hiel noflik by Lisette en fielde my altyd op myn gemak.
