Hjirûnder in opsomming fan de kritearia wêrmei’t kliïnten yn oanmerking komme foar soarch troch In-Menz. Us fyzje is om der sa folle mooglik foar elkenien te wêzen.
Wy biede soarch oan kliïnten fan alle leeftiden mei lytse en gruttere helpfragen. Us ekspertize beslacht de spesjalistyske jeugdzorg: diagnostyk, behanneling, ambulante helpferliening en by psychyske, emosjonele of sosjale problemen. Hjirûnder in opsomming fan gebieten dêr’t helpfragen ûnder oare op rjochte wêze kinne:

• Problemen mei selsbyld
• Untwikkelingsproblemen
• AD(H)D/gedrachsproblemen
• Emosjonele problemen (lilkens, fertriet, ferlies)
• Autisme
• Eangst / panyk / twang
• Stimmingsproblemen (depresje)
• Hechting/trauma
• Learproblemen
• Persoanlikheidsproblemen, mylde klachten
• Systeemproblematyk (gesinsynteraksje / skieding / Kopp)
• Âlden dy’t mear ynsjoch krije wolle yn it hoe en wêrom fan bepaald gedrach fan harren bern en ferlet hawwe fan dúdlike hânfetten 
• Âlden dy’t (opnij) spulplezier mei har bern leare wolle te belibjen
• Alders dy’t werom wolle yn de âlderposysje
• Gesinnen dêr’t ûnderlinge relaasje problematysk ferrinne en dêr’t de koheezje ûntbrekt
• Hannelingsrjochte diagnostyk
• Sosjale trainingen
• Wy kinne in breed oanbod leverje út de folgjende dissiplines:

Ortopedagogen, fakterapeuten, systeemterapeuten, jeugdbehannelers, gesinsbehannelers, EMDR-terapeut en in relaasjeterapeut.

Wy wurkje op lokaasje en op ambulante basis.

Alle meiwurkers fan In-Menz hawwe in SKJ-registratie en steane ûnder supervizje fan in orthopedagoog/systeemterapeut.

Hjirûnder beskriuwe wy de kritearia fan kliïnten oan wa’t wy  net de soarch leverje kinne dy’t se nedich hawwe. Us kader wurdt benammen bepaald troch it feit dat wy ús wurk dogge yn in ambulante setting, dêr’t gjin beskikberens fan in psychiater is.

• Kliïnten dy’t (slim) suïsidaal of krisisgefoelich binne; der is gjin mooglikheid foar krisissoarch. Wy wurkje op ôfspraakbasis en binne berikber op wurkdeis ûnder kantoaroeren.
• Kliïnten mei aktuele psychiatryske problematyk en dy’t ek psychiatryske konsultaasje nedich binne, sa as ûnder oare psychoaze/skizofreny/waanstoarnis
• Slimme automutilaasje
• Kliïnten mei oermjittich gebrûk fan middels lykas alkohol en drugs.
• Kliïnten mei in grutte soarchfraach op ferskate libbensgebieten; wy hawwe gjin mooglikheid foar deibehanneling of klinyske opnames.
• Kliïnten mei foars risiko- en grinsoerskriedend gedrach
• Kliïnten mei foarse klachten troch persoanlikheidsproblematyk
• Gesinssystemen dêr’t sprake by is fan akute ûnfeiligens
• Kliïnten mei foarse motivaasjeproblemen.

Der binne oare organisaasjes dy’t better ynrjochte binne om minsken mei dizze spesifike helpfragen op in ferantwurde manier helpe te kinnen. As it nedich is, kinne wy meitinke oer wêr’t de soarchfraach better passe soe. Jo kinne op elk momint kontakt mei ús opnimme, sadat wy meitinke kinne. Wy hawwe in grut netwurk yn de soarch.

In-Menz hat de jierlikse  kwaliteitskontrôle neffens ISO noarmen trochrûn en de basis is goed yn oarder, dêr binne wy ​​as In-Menz tige grutsk op!